Welcome to The Dairy Mail

You are not logged in.

MPO press releases

28 Maart 2008

PERSVERKLARING UITGEREIK DEUR ETIENNE TERRE’BLANCHE, BESTURENDE DIREKTEUR VAN DIE MELKPRODUSENTE-ORGANISASIE

Duurder elektrisiteit sal melkprodusente hard slaan
Melkprodusente se totale kragrekening kan met meer as R125 miljoen per jaar styg indien Eskom se voorstel om kragtariewe met 60% te verhoog, aanvaar word. Daarbenewens sal prysstygings veroorsaak dat melkprodusente na raming ’n bykomende R55 miljoen aan duurder gekoopte voer, veemedisyne en ander insette sal moet betaal. Dié berekeninge is gemaak deur die Melkprodusente-organisasie (MPO) se hoofekonoom, dr Koos Coetzee.

Die MPO doen namens melkprodusente ’n beroep op die regering en Eskom om nie so ’n skerp styging in tariewe in te stel nie.

“Melkprodusente is reeds onder druk weens die skerp stygings in veevoer-, brandstof- en kunsmispryse en sal dit moeilik vind om boonop duurder elektrisitiet te bekostig,” sê Etienne Terre’Blanche, besturende direkteur van die MPO.

“Foute wat in die verlede gemaak is en tot die huidige wanbalans gelei het, kan nie in ‘n enkele jaar reggestel word sonder om die landbou onherroeplik te beskadig nie,” sê Terre’Blanche.

Vir nadere inligting, kontak Etienne Terre’Blanche by 012 843 5600 of 082 900 7676.

Einde

E-mail this article