Welcome to The Dairy Mail

You are not logged in.

MPO press releases

16 November 2007

PERSVRYSTELLING UITGEREIK DEUR DR NICO SCHUTTE,
BESTURENDE DIREKTEUR VAN CENDEL (SENTRUM VIR PRODUSENTE-ONTWIKKELING)

Leersame All Africa Dairy Expo bied iets vir almal
Volgende jaar se All Africa Dairy Expo het iets vir almal se smaak en beloof om propvol pret te wees. “Die fokus van die Ekspo is die oordrag en beskikbaarstelling van kennis en tegnologie en is onmisbaar vir kommersiële en opkomende melkprodusente,” sê dr Nico Schutte, besturende direkteur van die Melkprodusente-organisasie (MPO) se Sentrum vir Produsente-ontwikkeling (CenDel) wat die Ekspo reël.

Die All Africa Dairy Expo word elke twee jaar gehou en vind volgende jaar op 12 en 13 Februarie by die Afri-Dome in Parys, Vrystaat, plaas. Benewens talle uitstallers word ’n reeks interessante en leersame kursusse aangebied. Een van die grootste trekpleisters is die verloskundekursus vir beeste wat deur Onderstepoort Geslagkunde Departement aangebied sal word. Die kursus fokus onder meer op regstellende aksies wat die boer kan neem wanneer dinge tydens kalwing verkeerd loop. Die kursus is ideaal vir melkprodusente, vleisboere en werkers wat met kalwing gemoeid is.

Ander kursusse sluit in die maak van feta- en mozzarellakaas, russians en salami en hoe om vleis te pekel. Dié kursusse word deur kundiges van die Landbounavorsingsraad aangebied. En dan is daar ook nog blomme rangskik en borduurwerk.

Die Ayrshire Beestelersgenootskap gaan tydens die Ekspo ’n skou hou, en sal ook saam met Holsteins, Jerseys en Suiwelswitsers meeding vir die gesogte Queen of the Expo titel.

Vir enige nadere inligting en bespreking van die kursusse, kontak Julie McLachlan by tel 012 843 5745, faks 012 804 4811 of e-pos julie@cendel.co.za. Of besoek die webblad by www.dairyexpo.co.za.

Toegang tot die All Africa Dairy Expo kos R40 per dag en kaartjies sal by die hekke beskikbaar wees.

Vir nadere inligting, kontak Julie McLachlan by 012 843 5745.

Einde

E-mail this article